Pediatriako fisioterapia

Pediatriako fisioterapia haurtzaroan edo umetoki barneko garapenean sortzen den edozein afekzio tratatzean datza, bai akutua bai kronikoa, haurraren garapen motorra nahasten duena eta, ondorioz, helduaroko bizitzan independentziarako ahalmena mugatzen duena.

Ardatzan, tratamendu pediatrikoari dagokionez, gure helburua haurraren garapen globalari eragiten dion gabezia edo defizit baten ondorioak murriztea da. Arrisku-egoera edo nahasmendu batek eragindako albo-ondorioen edo efektu sekundarioen agerpena saihestea edo ahalik eta gehien gutxitzea, haurraren garapen motor normala ahal den neurrian optimizatuz, haurraren beharretara egokitutako terapia espezifikoak eta laguntza teknikoak erabiliz. Horrez gain, guraso eta zaintzaileei aholkuak ematen dizkiegu, azalpen eta jarraibide argiekin, tratamendua egun osoan zehar jarrai dezaten.

Fisioterapia behar duten afekzioak:

• Arnas-infekzioak

• Anomalia sortzetikoak

• Atzerapen motorra

• Garun-paralisirako arriskua

• Garun-paralisia, bere forma guztietan

• Bizkarrezur-muineko lesioak

• Garezur-entzefalo traumatismoak

• Plexu-paresiak, P.B.O. esaterako

• Eskoliosia

• Sortzetiko tortikolisa

• Artikulazio-kontrakturak

• Aldakako displasia

Tratamenduaren arrakasta haurraren behar indibidualetara egokitutako balorazio eta aholkularitza egokiaren eta tratamendu plan integral baten araberakoa izango da. Ikaskuntza motorrean zailtasunak dituzten haur askok onura handia lortzen dute pediatriako fisioterapiako teknika bereziei esker, erantzun normalak sustatzen baitituzte eta koordinazioa hobetzen baitute.